| ફેડરેશન ઑફ ઇન્ડિયન ચૅમ્બર્સ ઑફ કોમર્સ એન્ડ ઈન્ડસ્ટ્રી (ફિક્કી) | ||
|
ભારતમાં ઉદ્યોગને પ્રોત્સાહન મળે તે માટે કાર્ય કરતી અગ્રણી સંસ્થા એટલે ફિક્કી. તેણે જેમ જેમ સમય બદલાતો ગયો તેમ તેમ ભારતીય વેપાર- ધંધાને તેમની સ્પર્ધાત્મક અને વૈશ્વિક પહોંચ વધે તે માટે સક્ષમ બનાવ્યા છે. દેશભરમાં 1500 કંપનીઓ અને 500થી વધુ ચૅમ્બર્સ ઑફ કોમર્સ અને બિઝનેસ એસોસિયેશિનો ફિક્કીનાં સભ્ય છે. આ સંસ્થા ભારતીય વેપાર-ધંધાના સમાન દ્રષ્ટિકોણને સમર્થન આપે છે અને વેપારના 2,50,000 એકમોના મતને પ્રત્યક્ષ કે પરોક્ષ રીતે વ્યક્ત કરે છે. ઉત્પાદન તથા વેપાર અને સેવા ક્ષેત્રેના નાના,મધ્યમ અને મોટા એકમો તેમાં સભ્યપદ ધરાવે છે અને તેમાં સતત વધારો થઈ રહ્યો છે. ફિક્કી સંશોધન, સર્વોચ્ચ રાજકીય સ્તરે વાટાઘાટ તથા વૈશ્વિક નેટવર્કિંગની મદદથી વેપારને લગતા પ્રશ્નો હલ કરવામાં અગ્રણી ભૂમિકા ભજવે છે. મહાત્મા ગાંધીની સલાહથી 1927માં ફિક્કીની સ્થાપના થઈ હતી. ભારતમાં વેપાર-ધંધા ક્ષેત્રે તે સૌથી મોટી અને સૌથી જૂની સંસ્થા છે. તેનો ઈતિહાસ સ્વાતંત્ર્ય ચળવળ સાથે વણાયેલો છે. ભેદભાવભરી આર્થિક નીતિઓના વિરોધમાં આંદોલન માટેના રાજકીય સાધન તરીકે ફિક્કીએ આર્થિક રાષ્ટ્રીયવાદ જગાવ્યો. ભારતમાં આર્થિક વાતાવરણ બદલાતું ગયું છે, પણ તેની પ્રતિબદ્ઘતા, કામગીરી અને ઉદ્દેશ એ જ રહ્યાં છે અને તેણે સતત નવા નવા મુદ્દા હાથ ધર્યા છે. જ્ઞાન આધારિત વૈશ્વિક અર્થતંત્રમાં ફિક્કીએ ગુણવત્તા, સ્પર્ધાત્મકતા, પારદર્શકતા, ઉત્તરદાયિત્વ અને વેપાર-સરકાર - નાગરી સમાજની ભાગીદારીને મહત્વ આપ્યું છે જેથી વેપારમાં નૈતિકતા આધારિત પ્રથાઓનું પાલન થાય અને સામાન્ચ માનવીનાં જીવનધોરણ સુધરે. |
|
