 |
મેડિક્લેઈમ |
|
|
મેડિક્લેઈમ પોલિસીની મુદત દરમિયાન માંદગી અને અકસ્માતે થનારી ઇજાઓને લીધે હોસ્પિટલમાં કે ઘરે થયેલા સારવારના ખર્ચને ભરપાઈ કરે છે. વિશ્વમાં કોઇપણ ઠેકાણે લાગેલી બીમારી માટે મેડિક્લેઈમ કવચ ઉપલબ્ધ હોય છે, પરંતુ તેની સારવાર ભારતમાં થઇ હોવી જોઇએ.
પોલિસી કૌટુંબિક (ફ્લોટર) ધોરણે (જેમાં કર્મચારી ઉપરાંત જીવનસાથી, બે સંતાનો અને માતા-પિતાનો સમાવેશ થાય છે) ઉપલબ્ધ છે. પોલિસીની મુદત દરમિયાન કેટલી રકમની ભરપાઇ મળી શકે તેનો આધાર વીમાછત્રની રકમ પર હોય છે. બીજા શબ્દોમાં કહીએ તો વીમો ધરાવતા કર્મચારી અને તેના કુટુંબના સભ્યો માટે વીમાછત્ર જેટલી રકમ સુધીની ભરપાઇ મેળવી શકાય. અમારા કર્મચારી અને તેમના પરિવારજનોને સારવારના અણધાર્યા ખર્ચ સામે નાણાકીય રક્ષણ મળે તે માટે અમે આ ફ્લોટર પોલિસીની વ્યવસ્થા કરી છે. |
|
|
|
|
|
અકસ્માત વીમો |
|
|
| અકસ્માત શબ્દનો અર્થ જ અણધારી કે અનિશ્ચિત ઘટના છે. આ પોલિસી વીમા ઉતરાવેલી જૂથની કોઈપણ વ્યક્તિને અકસ્માત (કોઈક ત્રીજા પક્ષ દ્વારા જ થયેલા અને પ્રત્યક્ષ રીતે થયેલા)ને કારણે થતી ઈજાથી મૃત્યુ કે હંગામી અથવા કાયમી પંગુતા આવે એવા સંજોગોમાં વીમાછત્ર જેટલી અથવા પોલિસી લીધી હોય તે પ્રમાણે નાણાકીય ભરપાઈ મળે છે. |
|
|
|
|
|
ટર્મ જીવન વીમો |
|
|
| જીવનની અનિશ્ચિતતાને લીધે આપણને અકાળ અવસાન બાદ પાછળ રહી જતા કુટુંબીજનોની આર્થિક સુરક્ષાની ચિંતા સતાવતી હોય છે. ટર્મ જીવન વીમો પૂર્ણપણે કંપની દ્વારા પ્રાયોજિત છે. રોજીરોટી કમાનાર વ્યક્તિના અવસાન બાદ પરિવારની આર્થિક જરૂરિયાતોની સંભાળ લઇ શકે તે રીતે આ પોલિસી તૈયાર કરવામાં આવી છે. તેના દ્વારા અમે કર્મચારી અને તેના પરિવારની જરૂરિયાતોનો હંમેશાં ખ્યાલ રાખીએ છીએ. |
|
|
|
|
|
વરિષ્ઠ અધિકારીઓની તબીબી તપાસ |
|
|
| આરોગ્ય જ ખરી સંપત્તિ છે એ જૂની કહેવત છે. ટોચના અધિકારીઓની સુખાકારીની સંભાળનું મહત્ત્વ ધ્યાનમાં લઇને અમારા એચઆર વિભાગે કંપનીના વરિષ્ઠ અધિકારીઓના આરોગ્યની ચકાસણી માટે મુંબઇની પી.ડી. હિન્દુજા હોસ્પિટલ અને મેડિકલ રિસર્ચ સેન્ટર સાથે ઔપચારિક વ્યવસ્થા કરી છે અને આવી ખાસ તબીબી તપાસનો પૂરેપૂરો ખર્ચ કંપની ભોગવે છે. એક ખાસ ગોઠવણ હેઠળ કર્મચારીના પરિવારજનોને પણ રાહતના દરે આ હોસ્પિટલમાં આ સેવા ઉપલબ્ધ છે. |
|
|
|
|
|
તાકીદની તબીબી સહાય |
|
|
| અમારી કંપનીમાં જોડાવા માટે તાજેતરમાં મુંબઇમાં સ્થળાંતર કરનાર અને અહીં કોઇ સગાસંબંધી નહીં ધરાવતા તથા સ્થાનિક હોસ્પિટલો વિશે પૂરતી જાણકારી નહીં ધરાવતા કર્મચારીઓને આ પ્રકારની તબીબી સહાય આપવામાં આવે છે, જેથી તાત્કાલિક તબીબી સેવા માટે કર્મચારીઓએ ખોટી દોડાદોડી કરવી ન પડે. ઓફિસમાં ફરજ પર કે ત્યારબાદ તાકીદની તબીબી સ્થિતિમાં આ કર્મચારીઓને સહાય પૂરી પાડવા માટે એચઆર ડિપાર્ટમેન્ટે અંધેરી (પૂર્વ)ના મહાકાલી રોડ પરની હોલી સ્પિરિટ હોસ્પિટલ સાથે ખાસ ગોઠવણ કરી છે. જૂથના તમામ કર્મચારીને હોસ્પિટલમાં દાખલ થવાથી માંડીને રોકડ ચૂકવણી વિના તબીબી સેવા માટેના કરાર કરવા સાથે કંપનીએ હોસ્પિટલમાં જરૂરી સિક્યોરિટી ડિપોઝિટ નોંધાવી છે |
|
|
|
|
|
એમ્પ્લોયી સ્ટોક ઓપ્શન પ્લાન |
|
|
| આ એક એવી લાભદાયક યોજના છે, જેમાં યોગદાનની કદરરૂપે કર્મચારી કંપનીના સ્ટોક (શેર)નો માલિક બને છે. કર્મચારી લાભ યોજનાની તુલનામાં આ યોજનામાં કર્મચારી કંપનીમાં આંશિક હિસ્સેદારી મળે છે. કંપનીએ તમામ લાયક કર્મચારીઓને મુખ્ય કંપની ફાઇનાન્સિયલ ટેક્નોલોજીસ ઇન્ડિયા લિ. અને તેની પેટા કંપની એમસીએક્સના ‘ઇસોપ’નો વિકલ્પ આપ્યો છે. કંપનીએ યુટીઆઈ ઈન્વેસ્ટર સર્વિસીસ સાથે કર્મચારીના પેન એકાઉન્ટ્સ માટે અને આઈએલએન્ડએફએસ સાથે ડીમેટ ખાતું ખોલાવવા તથા કર્મચારી ‘ઇસોપ’ના ભંડોળ માટે કરાર કર્યા છે. |
|
|
|
|
|
ઉચ્ચ અભ્યાસ માટે શૈક્ષણિક સહાય |
|
|
| સંસ્થા તેના વિકાસ કર્મચારીઓના વિકાસમાં માને છે. આ ઉમદા હેતુ માટે સંસ્થા કાર્યક્ષમ, લાયક અને આશાસ્પદ કર્મચારીઓને તેમના જોબ પ્રોફાઇલને અનુરૂપ ઉચ્ચ અભ્યાસ માટે નાણાકીય સહાય પૂરી પાડે છે. જેમાં પીએમપી પ્રમાણપત્ર, એમબીએ અને અન્ય ટેક્નિકલ અને મેનેજરિયલ અભ્યાસક્રમોનો સમાવેશ થાય છે. આ યોજનામાં તમામ લાયક ઉમેદવારે (સંસ્થાની આગોતરી પરવાનગી સાથે) સંસ્થાએ મંજૂર કરેલા અભ્યાસક્રમની તાલીમ લેવી પડે છે અને તેમાં સફળ થનાર કર્મચારીને તમામ ફી ભરપાઈ આપવામાં આવે છે. |
|
|
|
|
|
પરિવહન સુવિધા |
|
|
| ભારતના અન્ય શહેરોની તુલનામાં મુંબઈમાં મુસાફરી કષ્ટદાયક અને થકવી નાખનારી હોય છે તે સૌ જાણે છે. સંસ્થા દૃઢપણે માને છે કે થાકેલો કર્મચારી કદાપિ સારું કામ આપી શકતો નથી. તેથી સંસ્થાએ ગ્રુપની તમામ કંપનીઓના કર્મચારીઓ માટે ખૂબ જ રાહતના દરે બસ પરિવહન સુવિધાની વ્યવસ્થા કરી છે. |
|
|
|
